Saturday, July 9, 2011

ILEK-ÑA SI PÅLE' : GINASGAS HINALOM

praytherosaryapostolate.com
I GIPOT SÅNTA MARIA GORETTI : HULIO DIA 6

Setmon Påle' Lee :

"Un sotterita na kåsi katotse åños edåt-ña ginen sumåsåga gi un lacheria giya Itålia.  Uno gi man lanchero måtto gi hinasson-ña na para u afuetsas i sotterita fuma'tinas un isao kontra i ginasgas.  I palao'an ti ha sedi achok ha' ilek-ña na para u pinino' yanggen ilek-ña na mungnga gue'.  Lao este na sotterita mås i guinaiyan-ña nu i ginasgas ke i mina'añao-ña nu i para u pinino' ni se'se' ya mumåtai para u defiende i ginasgås-ña.  På'go ta fa'nana'an gue' Sånta Maria Goretti.

Si Sånta Margarita de Cortona era un bonita na señorita.  Må'pos ya ha dalalak i nobiu-ña.  Un dia ti tuma'lo tåtte i nobiu-ña, ya må'pos gue' para u aligao.  Ha sodda' i kumekelamas na tataotao-ña gi un fina' halomtåno' gi kanton chålan.  Ma puno' gue'.  I na'ma'añao na hechuran i kumekelamas na tataotao-ña nina' komprende gue' håfa taimano hechurå-ña i anti-ña gi me'nan Yu'us.  Si Margarita ha pula' todo i alahås-ña yan man bonito siha na magagu-ña gi tataotao-ña ya minagågo talåpos siha.  Gi tetehnan na lina'lå'-ña ume'egagao limosna ya mañuñungon insutto siha, asta i finatai-ña.  I såntos yan måhgong na lina'lå'-ña un prueba na ti atrasao para masea håye na u na'maolek i lina'lå'-ña.

Si Jesukristo ilek-ña nu hita, "Man dichoso i man gåsgås hinalom-ñiha, sa' siha u ha li'e si Yu'us.'"

Sånta Margarita de Cortona

No comments:

Post a Comment