Gi para talo'åne dångkulo na hinemhom tumåmpe i tano' pot tres oras na inapmam, ya i uttimon-ñiha måtai si Jesus. Para u gef siente si Jesus i minalaet i pinite, si Tatå-ña gi langet nina' apattanguan nu i manakkalom na konsuelo siha gi hinalom-ña. Este na abandono era sen dångkulo na totmento para si Jesus, na umugong a'gagang, "Yu'os-ho, Yu'os-ho, sa' håfa na un abandona yo'?"
Despues ti åpmam ilek-ña si Jesus, "Må'ho yo'." Entonses un sendålo ha chuchule' un espongha, ni ma supok gi binakle; ha sahang gi un piao, ya ha nå'e si Jesus para u gimen. Despues de monhåyan gumimen, ilek-ña si Jesus, "Todo esta kabåles."
Pot uttimo, ilek-ña si Jesus a'gagang, "Tåta, gi kannai-mo nai hu enkomienda hao nu i anti-ho." Ya ha na' tettekon i ilu-ña, ya ha entrega i anti-ña gi Saina.
No comments:
Post a Comment