 |
| catholictradition.org |
"Meggai siha na taotao man maleleffa nu i Anghet de la Guåtdan-ñiha, i anghet ni pumupulan siha. Si Yu'us man nina'e hamyo kåda uno annai mafañågo un ånghet para u pinilan. Este na Ånghet de la Guåtda para hamyo ha' na maisa. I Pipulan-mo na Ånghet prinetetehe hao gi meggai siha na peligro. Guåha nai un susede aksidente ya katna ha' måtai hao, lao umeskåpa i lina'lå'-mo, gråsias na i prinitehen i Pumupulan hao na Ånghet.
På'go mismo, annai man matåtå'chong hamyo gi halom Guma'yu'us, man gaige gi fi'on-miyo i Anghet-miyo ni pumupulan hamyo. Siña ilek-mo, 'Ti siña hu li'e i anghet ni pumupulan yo'. Håf taimano tungo'-ho na gaige guine?' Si Yu'us sumangåne hit na guåha Ånghet pipulan-ta, kåda uno giya hita. Ti un lili'e i elektrisidåt, lao yanggen un mantiene un maipe na alåmle, siempre un siente i elektrisidåt. Ti un lili'e i manglo', lao siña un siente i manglo' gi matå-mo; siña un li'e i chaochao na tåse yanggen duro guinaifefe-ña i manglo'. Yanggen un hongge na guåha elektrisidåt yan månglo', håfa mina' mappot ma hongge na gaige i Anghet de la Guåtda gi fi'on-mo? Taitaye sesso i Anghet-mo de la Guåtda ya guiya siempre un prinetehe gi meggai na aksidente yan minalångo."
No comments:
Post a Comment