LIFE IS NOT FAIR

teachingmyfriends.blogspot.com

Dorn Hall.  Hagåtña.  1926.

Demasiao burukento si Juan yan si Alejandro gi eskuela ya lalålo' i maestra nu i dos.

Ilek-ña i maestra, "Eh!  Hamyo na dos!  Tohge gi me'nan pisåra ya en tige' i na'an-miyo kabåles sien beses!"

Ilek-ña si Alejandro, "Ma'åse' Señora!  Ti husto ennao!"

"Hah?!? Sa' håfa?" mamaisen i maestra.

"Sa' guiya, i kabåles na na'ån-ña si Juan Blas Cruz ha'.  Lao guåho si Alejandro San Nicolas Leon Guerrero!"

Juan and Alejandro were just too noisy in school and the teacher got mad at them.

The teacher said, "Hey!  You two!  Stand at the black board and write your full names a hundred times!"

Alejandro said, "Have mercy ma'am!  That isn't fair!"

"What? Why so?" asked the teacher.

"Because his full name is just Juan Blas Cruz.  But mine is Alejandro San Nicolas Leon Guerrero!"