Segun un åmko' ni ginen tumanores gue' guihe na tiempo, eståba gue' na mañeñetbe gi Misa ni ha tataitai si Påle' Dueñas gi tiempon Hapones gi Gima'yu'us Inalåhan.
Gi durånten i Misa, humålom un Hapones na sendålo ya sige de ha lalåtde si Påle' yan i tanores, lao ti ma komprende håfa ilelek-ña i Hapones. Si Påle' Dueñas ni sikiera ti ha atan i sendålo, lao pumåranñaihon si Påle' tumaitai i Misa. Nahong ha' si Påle' i ha na' tekkon i ilu-ña ya bumendito gue'.
I sendålo ha señas na u ma puno' i dos dånges ni ma sosongge gi hilo' i attat. Ayo na ma komprende na muna' lalålo' i sendålo i siña i Amerikåno na batkonaire ma li'e i ininan i dos dånges gi halom Guma'yu'us, sa' hohomhom ha' trabia guihe na ora. Ya magåhet na i tanores ha osge i Hapones ya ha puno' i dos dånges.
Lao annai må'pos i Hapones, kontento yan satisfecho, tåya' singko minutos despues ma songge ta'lo i danges ya si Påle' ha na' fonhayan i Misa.
According to an elderly man who was an altar boy at the time, he was serving Mass said by Father Dueñas during the Japanese time at Inarajan Church.
During the Mass, a Japanese soldier came in and kept scolding Father and the altar boys, but they didn't understand what the Japanese was saying. Father Dueñas didn't even look at the soldier, but he paused saying the Mass. All Father did was bow his head and fold his hands.
The soldier gestured that they kill the two candles that were lit on the altar. That's when they understood that the soldier was angry because the American planes could possibly see the light of the two candles inside the church, as it was still dark at that hour. And an altar boy did indeed obey the Japanese and killed the two candles.
But when the Japanese left, content and satisfied, it wasn't five minutes later they lit the candles and Father finished the Mass.
No comments:
Post a Comment