Si Jesus ha fa'gåse i addeng i man apostoles
Istorian i tano', desde ke umisao si Adan yan si Eba. Desde ke ti man afa'maolek si Yu'us yan i taotao siha pot i isao-ñiha, ti siña umafa'maolek i taotao yan i prohimu-ña. Che'lo kontra i che'lu-ña, besino kontra i besinu-ña, un råsa kontra otro na råsa.
Pot los uttimos, annai sige ha' de ma aumenta i guinahan tåno', unos kuåntos na taotågue man huyong mås man gefsaga, mås man riko, mås man gai podet ke ni pumalo siha na taotågue. Åmbres entre i man mofo'na siha na Chamorro, takkilo'-ña i matua ke ni mangåchang.
Eståba na guåha åmo yan muchåcho, rai yan takpapa....lao på'go, fuera de riko yan popble, solo guåha diknitårio yan otdinårio. Ma tulaika i sisteman gobietno, ya ta elilihe pat ta bobota i diknitårio siha på'go na tiempo, lao i kostumbren taotao ti ma tulalaika. Asta på'go, meggai beses, i diknitårio ha fa' bababa i otdinårio.
Si Jesus, ni guiya Låhen Yu'us, Saina yan Rai, dumimo på'pa' ya ha fa'gåse i addeng i takpapa na disipulo. Giya Jesukristo nai ta lili'e na i diknitårio ha fa' mamaolek i otdinårio.
It's the story of the world. Those who have, beat down those who haven't. It used to be kings over people, lords over servants. Besides rich and poor, now we just have dignitaries and ordinary people; and, what's more, we elect our dignitaries. But human nature seldom changes. At times, the dignitary gets the advantage over the ordinary citizen.
In Christ, who washed the feet of the student disciple, we see that the dignitary served the ordinary.
No comments:
Post a Comment