Ilek-ho na siempre hipokrito yo' yanggen hu na' guåha este na blog pot para hu abånsa pat hu na' kahulo' i lengguåhi-ta, lao tat nai måmångge' yo' enteramente gi fino' Chamorro gi halom et mismo.
Pot i palåbra "dage:" guåha na hu hungok na ma sångan, yanggen lache i sinangån-ña i taotao an kumuentos, na ilek-ña, "Ai, dispensa, hu dadage hao!" Ti kumekeilek-ña na mandadage gue' gi magåhet, ni sikiera ti ha hasngon dumage i otro taotao. En lugåt, kumekeilek-ña na, masea ti intension-ña, lache i infotmasion ni ha sångan, ya måtto gi dinage. Bonito, para guåho, este na klåsen kuentos.
Jose : Rosa, para ke ora i lisåyo la'mona?
Rosa : Para a las siette.
Jose : Ha?
Rosa : Ai! Dispensa! Hu dadage hao! Kumekeilek-hu na para a las ocho!
No comments:
Post a Comment