Humålom si Pedro gi sagan chumocho ya ha sodda' i amigu-ña as Kiko'
(Pedro went into the restaurant and found his friend Kiko')
na esta monhåyan chumocho sa' tåya' esta nengkanno' gi na'yan siha.
(who was done eating as there was no more food on the dishes.)
"Håfa Kiko' na un lalasa i tiyån-mo?" mamaisen si Pedro.
("Hey Kiko' why are you rubbing your tummy?" asked Pedro.)
Man oppe si Kiko', "Ai amigo, puti håspok!"
(Kiko' answered, "Man buddy it hurts to be full!")
Ilek-ña si Pedro, "Pues guåho puti sa' ñålang yo'!"
(Pedro said, "Well I'm in pain 'cause I'm hungry!")
Ilek-ña si Kiko', "Puti-ña håspok!"
(Kiko' said, "It hurts worse to be full!")
Ineppe gue' as Pedro, "Lache hao amigo. Sa' masea puti an håspok, lao sige adumiddide' mumågong.
(Pedro answered him, "You're wrong buddy. Because even if you hurt to be full, little by little
Lao an ñålang hao, mås luma'atdet puti-ña para mo'na!"
(it keeps getting better. But when you're hungry, it gets worse as time goes on!")
No comments:
Post a Comment