CHAMORRO APRIL FOOLS

blog.foodnetwork.com

Dispensa yo', sa' kalan atrasao diddide' este, lao gi painge ha' na hu hungok este na estoria ni, segun gi ma sangåne-ko, magåhet na ma susede.

Åños yan åños tåtte, eståba na katna ha' tåya' esta pugua' giya Guam sa' man måmåtai i trongkon pugua' siha.  Lao uña señora, ni gof mamama', guaha amigu-ña taotao Malojlo ni bula puguå'-ña.  I palao'an ha ågang i taotao gi telefon.  "Kao guaha puguå'-mo ni un bebende?"  Man oppe i taotao, "Hunggan.  Fåfåtto agupa' ya bai hu nå'e hao.  Lao, na' seguro na un fåtto åntes de las sais gi ega'an, sa' yanggen atrasao hao mågi agupa', siña hokkok!"

Magåhet na, sigiente dia, tåftatåf gi chatanmak, i palao'an ha tågo' i che'lu-ña yan i kiñadu-ña para u hånao påpa' Malojlo ya u ma fåhan i pigua'.  Måtto i dos åntes de las sais ya ma sodda' i taotao, ilek-ñiha, "Ha na' hånao ham guine mågi i che'lun-måme ni un kuentuse nigap gi telefon.  Estague' na måtto ham para in fahan i pigua'."  Nina' manman i taotao yan umå'å', pues ilek-ña, "AH - PRIL FOOL!"  Gi magåhet, tåya' ni håfafa puguå'-ña desde i tutuhon!

Years ago, there was hardly any pugua' on Guam as the trees were dying.  But one lady, very much a chewer, had a friend in Malojlo who had a lot of pugua'.  She called him on the phone asking, "Do you have pugua' you are selling?"  The man answered, "Yes.  Come tomorrow and I will give you.  But, make sure you come before 6AM, because if you are late coming here, it may all run out!"

The next day, very early before dawn, the woman sent her sister and brother-in-law to go down to Malojlo to buy the pugua'.  The two arrived before 6AM and found the man, saying, "Our sister with whom you spoke yesterday on the phone sent us over here.  Here we are to buy the pugua'."  The man was taken aback, mouth wide open, and then said, "AH - PRIL FOOL!"  In reality, he never had any pugua' to begin with!