ESTORIAN I ÑAMO

Sen umaguaiya i un låhe yan i nobiå-ña ya umassagua i dos.
(A man and his girlfriend were so in love and they got married.)

Kada dia, ma umenta i minagof-ñiha pot i umagofli'e' i dos.
(Each day, their happiness increased because of their mutual love.)

Lao måtto i pininite annai gotpe ha' måtai i palao'an.
(But sorrow came when the woman suddenly died.)

Ti siña ma konsuela i lahe ni piniti-ña.
(You couldn't console the man of his pain.)

Duro gue' tumånges, ha'åne yan puenge.
(He cried and cried, day and night.)

En fin, ha konne' i matai na asaguå-ña
(In the end, he took his dead wife)

para u ma håfot gi tasi.
(to be buried in the sea.)

Mientras humahånao gi tasi gi halom boti-ña,
(While he went to the sea in his boat,)

måtto i taotaomo'na ya ha sangåne i lahe,
(the spirit of an ancestor came and told the man,)

"Siña hu na' lå'la' ta'lo i asaguå-mo,
("I can bring your wife back to life again,)

lao hu nesesita atfilet piao."
(but I need a bamboo pin.")

I lahe ha nå'e i taotaomo'na nu i atfilet piao
(The man gave the spirit a bamboo pin)

ya i taotaomo'na ha dulok i damagås-ña i lahe
(and the spirit pricked the thumb of the man)

ya ha na' tuhu i hagå'-ña gi labios-ña i palao'an
(and let his blood drip onto the lips of the lady)

ya magåhet na lumå'la' ta'lo i palao'an!
(and truly the lady came back to life again!)

Ma bira siha tåtte gi tano' ya todo maolek.
(They went back to land and all was well.)

Lao un dia, ha sodda' i lahe na guaha atungo'-ña otro na låhe i asaguå-na.
(But, one day, the man saw that his wife had another male friend.)

Gi lalalo'-ña, ha puno' ma se'se' i asaguå-ña annai eståba na umo'omak gi saddok,
(In his anger, he stabbed his wife to death while she bathed in the river,)

ya i haga' i palao'an ni ma chuda' gi saddok mama' chåda' ñåmo.
(and the blood that spread through the river became the eggs of mosquitoes.)

Ennao mina' man man å'aka' i ñamo siha.
(That is why mosquitoes bite.)

Ma espipia nahong na kantida håga' kosa ke u lå'la' ta'lo i palao'an.
(They are looking for a sufficient amount of blood to bring the lady back to life again.)