ILEK-ÑA SI PÅLE'

Tamuning Sodality in the 1950s

Sermon preached in the 1950s

På'go na ha'åne para u fan ma profesa man nuebo na miembon i Hijas de Maria.
(Today new members of the Sodality will be professed.)

Magof yo' pot este siha na mañotterita ya hu gågagao si Yu'us yan si Santa Maria na u fan ma nå'e meggai na gråsia para gian-ñiha.
(I am happy for these young women and I ask God and the Blessed Mother to give them many graces to be their guide.)

Este siha na mañotterita man gaige gi gai minappot na edåt.
(These young women are at a difficult age.)

Mangokokolo' para u fan echa sottera.
(They are growing to become single women.)

Guaha siha meggai na tentasion.
(There is a lot of temptation.)

I anite siempre u fan tinientasiune para u ma komete isao, espesiåtmente kontra i santos na ginasgas.
(The devil will surely tempt them to commit sin, especially against holy purity.)

Yanggen este siha na famalao'an u na' fan fiet siha na man miembron i Hijas,
(If these women become faithful members of the Sodality,)

ya u fañåga chetton as Jesus yan Maria, siha siempre u fan siña bumense todo i tentasion i anite.
(if they remain close to Jesus and Mary, they will be able to overcome all the devil's temptations.)

Este siha na mañotterita manmanpromete as Jesukristo yan Santa Maria na u ha na' fan lamaolek siha na famalao'an gi manmamamaila' na tiempo.
(These young women promise Jesus Christ and the Blessed Mother to become better women in the coming days.)

Hu felisisita hamyo mañotteritas på'go na ha'åne, ya hu gågagao na nungka nai en che'gue håfa na kosas ni para u fan dinesonra i Hijas siha.
(I congratulate you young women today, and I ask that you will never do anything to dishonor the Sodality.)