 |
| coloica.com |
"Un dia eståba si Påle' na pumaseseo gi halom i sengsong-ña. Umasodda' yan un biha na dikkiki'. Pues si Påle' ha tungo' na este na åmko' palao'an era sumen yo'åse' kontra kuatkiera na taotao. Finaisen i biha nu i Pale', 'Håfa mina' taiguennao atendidå-mo kontra kuatkiera? Guåha nai un chagi umåguåguåt yan håye?'
Chumålek i biha, ya ilek-ña, 'Kåda umasodda' ham yan håye na taotao, tåya' nai ti hu hasso tres kosas : Si Yu'us muna' huyong este na taotao; si Yu'us ha gofli'e este na petsona; si Yu'us muna' låla'la' este na petsona. Yanggen hu hasso este siha na kosas, ti mappot para guåho i hu fanatiende masea håye i asodda'-ho. Este magåhet na guåha siha na taotao uminsutta yo'. Guåha yuhe i ha bibira gue' yanggen umasodda' ham gi chalan. Guåha siha na taotao asta ma såsångan ti man bonito siha na kosas pot guåho. Lao pot i si Yu'us siha muna' fanhuyong, man ginefli'e as Yu'us, si Yu'us siha muna' fanlåla'la', siempre guåha håfa na minaolek gi sanhalom-ñiha na si Yu'us ha' lumili'e.'
Cha'-miyo fan mangondedena, ya hamyo siempre ti en fan makondena. Si Yu'us ti u mahettok gue' para hamyo, yanggen ti en na' fan mahettok hamyo para i man achataotao-miyo."
No comments:
Post a Comment