Wednesday, November 23, 2016
I ANDE' NA NOBIO
A story from the 1950s. The names have been changed.
Si Terry'n che'lu-ho gos bonita yan meggai nobiu-ña.
(My sister Terry was very beautiful and she had many boyfriends.)
Guaha uno ni na'ån-ña si Frankie ya gos ande'.
(There was one named Frankie and he was a showoff.)
Hekkua' måno na ha sodda' lao un dia kada biråda maloloffan si Frankie gi me'nan gima'-måme
(I don't know where he found them but one day Frankie was always passing in front of our house)
lao kada biåhe na maloffan ti parehu karetå-ña.
(but each time he passed his car was different.)
Ti ya-ña si nanan-måme na u atungo' si Terry yan si Frankie
(Our mother didn't want Terry and Frankie to know each other)
sa' gai patgon....ha na' mapotge' un palao'an giya Hågat....
(because he had a child...he made a lady in Agat pregnant....)
ya ilek-ña si nanå-ho na an siña ha cho'gue un biåhe,
(and my mom said that if he can do it one time,)
siña ha cho'gue ta'lo an esta umassagua hamyo.
(he can do it again when you two are married.)
Pues ti sinedi si Terry as nåna para u a'sodda' yan si Frankie
(So mom didn't allow Terry to meet Frankie)
lao lini'e' gue' ni muchåchan-måme ni ilek-ña,
(but he was seen by our maid who said,"
"Terry! Eyigue'!" Pues in baba in kuttinan i bentåna
("Terry! There he is!" So we opened the window curtain)
ya kada maloffan si Frankie, otro ta'lo karetå-ña.
(and each time Frankie passed, he had a different car.)
Ti magof si nanan-måme ya ilek-ña,
(Our mom wasn't happy and said,)
"Terry, måno na mañañakke karetå-ña si Frankie?"
("Terry, where is Frankie stealing his cars?")