I DEFFE' NA SAKKE

 

Ocho åños ha' edåt-ña si Miget ya ma gacha' gi halom i kuåtton Tun Venancio, ha kekesakke masea håfa i siña.

(Miget was just eight years old and he was caught inside Tun Venancio's bedroom, trying to steal whatever he could.)

"Hei!" umessalao si Tun Venancio, ya malågo si Miget ya ha eskapåye.

("Hay!" Tun Venancio cred out, and Miget ran away and escaped.)

Lao åntes de malågo, ha baba i pachot-ña si Miget sa' ma espånta ya annok na doffe'.

(But before he ran, he opened his mouth being caught off guard and it showed he was toothless.)

Humånao si Tun Venancio guato gi polisia ya annai ma faisen si Tun Venancio kao siña ha identifika håye i patgon ilek-ña, "Hokkok ha' hu tungo' na doffe'."

(Tun Venancio went to the police and when they asked him if he could identify the kid, he said, "All I know is that he was toothless.")

Pues ilek-ña i polisia, "Pues ta rekohe todo i famagu'on ya ta li'e' håye doffe'."

(So the policeman said, "Then let's gather all the kids and see who is toothless.")

Eståba si Miget gi papa' i bentånan i polisia ya ha ekkungok håfa ilek-ña i polisia.

(Miget was under the policeman's window and listened to what he said.)

Malågo si Miget guato gi amigu-ña as Juan ni acha lokka' yan guiya. 

(He ran to his friend Juan who was as tall as him.)

"Juan! Juan! Pot fabot, ta na' åttilong i un nifen-mo ya un kado' doffe' hao."

("Juan! Juan! Please let's blacken your one tooth and pretend to be toothless.")

Pues ma chåchak i trongkon papåya ya ma chule' i chigo'-ña pues ma nå'ye åpo. Ma palai este gi un nifen-ña si Juan ya ma na' åttilong pues annai man ma ågang todo i famagu'on ya ma baba i pachot-ñiha para u ma li'e', ma sodda' na dos na påtgon doffe', era si Miget yan si Juan.

(So they cut the papaya tree and collected its sap and added ashes to it. They smeared this on one of Juan's teeth and made it black so when they called all the kids and opened their mouths to see, they found two toothless kids, which were Miget and Juan.)

Ilek-ña i polisia gi as Tun Venancio, "Dos na doffe' guaha ya ilek-mo na uno ha' na påtgon humåtme i gimå'-mo. Pot i ti siña un identifika håye fuera de doffe' gue', debe de hu sotta este dos."

(The policeman told Tun Venancio, "There are two toothless kids and you said only one entered your house. Since you can't identify the kid except that he was toothless, I have to let these two go.")

Ya taiguennao humuyong na ti ma kastiga si Miget.

(And that's how Miget ended up not being punished.)